سەرۆکی لێژنەی یاسای پەرلەمان: ڕۆڵ و پێگەی وەزارەتی پلاندانان بۆ هەرێمی کوردستان گرنگە، ڕۆژی دوو شەمە 2-3-2029 لە دیوانی وەزارەت د.دارا ڕەشید وەزیری پلاندانان پێشوازی کرد لە بژار کۆچەر سەرۆکی لێژنەی یاسایی لە پەرلەمانی کوردستان.
لە دیدارێکدا باس لە هەماهەنگیەکانی نێوان پەرلەمان و وەزارەت و دامەزراوەکانی حکومەت و وەزارەتی پلاندانان کرا بەتایبەتی بەمەبەستی خزمەتکردنی هاوڵاتیان و کار ئاسانی بۆ دەرکردن و ئامادەکردنی ئەویاسایانەی کە پەیوەندارن بە ژیانی دانیشتوانی هەرێم.
وەزیری پلاندانان ڕای گەیاند پەرلەمانی کوردستان شوێنی دەرکردنی پرۆژەیاسای گرنگە و کاری بەیەکەوەی لێژنەکانیش پێویستە بۆئەوەی راسپاردەو یاساکان بەتەواوی بکەوێتە خزمەت هاوڵاتیان، هەروەک ووتیشی دەمانەوێت هاوکار وهەماهەنگی پەرلەمان و لێژنەی یاسایی بین بۆئەوەی ئەو پرۆژە و بەرنامانەی وەزارەتمان دایناوە بە زووی بکەوێتە کار.
لەبەشێکی تری دیدارەکە د.دارا ڕەشید تیشکی خستەسەر روئیای وەزارەت بۆ جێبەجێ کردن و دیاری کردنی پڕۆژەکان لە ناچەکانی هەرێم کە بە گوێرەی گرنگی و پێویستی دەبێت و جیاوازیش ناکرێت لە نێوان شارەکان.
لەبەرامبەردا سەرۆکی لێژنەی یاسایی لە پەرلەمانی کوردستان ئاماژەی بە ڕۆڵ و پێگەی وەزارەتی پلاندانان کرد بەتایبەت لە ڕەوانەکرنی یاساکانی تایبەت بە بوژاندنەوەی ئابوری هەرێم و هەنگاونان بۆ دیاری کردنی پرۆژە و بەرنامە خزمەتگوزاریەکان بۆ تەواوی کوردستان لەو پێناوەش وەزارەت توانیویەتی بە بێ جیاوازی دەست نیشانی پرۆژە خزمەتگوزاریەکان بکات بەشێوەیەک گرنگی و پێویستی پرۆژەکان بۆ هەموو پارێزگاکان گرنگن.
کۆنفرانسی پەرەپێدانی پەیوەندیە ئابوریەکانی نێوان هەرێمی کوردستان و کۆماری ئیسلامی ئێران لە شاری هەول ...
ڕۆژی ٢٩ی نیسانی ٢٠١٨، د. عهلى سندى، وهزیرى پلاندانانى حكومهتى ههرێمى كوردستا ...
له ڕێكهوتی 2012 /9/9، د. على سندى، وهزیرى پلاندانانى حكومهتى ههرێمى كو ...