ڕۆژی چوار شه‌ممه‌ 31-7-2019 له‌دیوانی وه‌زاره‌ت د.دارا ڕه‌شید وه‌زیری پلاندانان پێشوازی كرد له‌ وه‌فدێكی فڕاكسیۆنی سه‌وز له‌په‌رله‌مانی كوردستان.
‎له‌دیدرێكدا وێرای پیرۆزباییان به‌بۆنه‌ی ده‌ست به‌كار بوونی وه‌ك وه‌زیری پلاندنان باس له‌په‌یوه‌ندی و هه‌ماهه‌نگی نێوان دامه‌زراوه‌كانی حكومه‌ت و په‌رله‌مان كرا بۆ ئه‌مه‌ش ڕۆڵی فراكسیۆنه‌كانی په‌رله‌مان بۆ به‌دواداچون و ده‌ركردنی پرۆژه‌ یاساكان له‌لایه‌ن په‌رله‌مانه‌وه‌ به‌رزنرخێندرا، به‌تایبه‌ت ده‌ركردنی ئه‌و پرۆژه‌ یاسایانه‌ی په‌یوه‌ندیان به‌ ژیان و گوزه‌رانی هاووڵاتیانه‌وه‌ هه‌یه‌.
‎له‌به‌رامبه‌ردا په‌رله‌مانتاران به‌گرنگیه‌وه‌ باسی وه‌زاره‌تی پلاندانانیان وه‌ك دامه‌زراوه‌یه‌كی گرنگی هه‌رێمی كوردستان كرد به‌تایبه‌ت له‌دارشتن و دیاری كردنی پرۆژه‌ و كاری ڕێكخراو ئاژانسه‌ نیوده‌وڵه‌تیه‌كان و هاوكاری كردنی پلان و به‌رنامه‌كانی حكومه‌ت .
‎له‌به‌شێكی تری دیداره‌كه‌ هه‌ردوولا هاورابوون له‌سه‌ر كاری هاوبه‌ش و به‌یه‌كه‌وه‌ بۆ پێشخستنی هه‌رێمی كوردستان، له‌و پێناوه‌ش وه‌زیری پلاندانان داوای كرد ته‌واوی فراكسیۆنه‌كان هاوكار و پاڵپشت و چاودێرێكی وردی كارنامه‌ی حكومه‌ت و ئه‌و پرۆژه‌ یاسایانه‌ بن كه‌ ده‌كه‌وێته‌ خزمه‌ت هاووڵاتیان.
‎هه‌ر ئه‌مرۆ چوار شه‌ممه‌ ژماره‌یه‌ك كه‌سایه‌تی سه‌ردانی دیوانی وه‌زاره‌تی پلاندانانیان كرد جیاله‌ پیرۆزباییان به‌بۆنه‌ی ده‌ست به‌كاربونی د.دارا ڕه‌شید وه‌ك وه‌زیری پلاندانان پاڵپشتی خۆشیان بۆ سه‌رخستنی به‌رنامه‌كانی وه‌زاره‌ت دووپاتكرده‌وه‌.