ئهمڕۆ 11-10-2012، د. على سندى، وهزیرى پلاندانانى حكومهتى ههرێمى كوردستان، پێشوازیكرد له رۆلف ئۆلریش، كونسوڵى گشتى كۆمارى ئهڵمانیاى فیدڕال له ههولێر، و پیتهر ڤیدرۆید، سهرۆكى سهنتهرى تهكنهلۆژیا و راهێنانى ئهوروپى، وشاندی یاوهریان كرد.
مهبهست لهم كۆبوونهوه درێژهدانه به كار و چالاكیهكانى سهنتهرى ناوبراو بۆ راهێنان ومهشق پێكردنى فهرمانبهرانى حكومهتى ههرێمى كوردستان له بوارى جۆراوجۆردا وهك كارگێڕى، پهرهپێدانى مرۆیى، تهكنهلۆژیاى زانیارى، دارایى، دادوهرى، زمانى ئینگلیزى و ئهڵمانى، رۆژنامهوانى، هتد.
وهزیرى پلاندانان وێڕاى ستایشكردنى حكومهتى ئهڵمانیا و سهنتهرى ناوبراو، جهختى لهسهر بهردهوامبوون و بهرزكردنهوهى ئاستى پڕۆژگرامهكانى راهێنان كردهوه كه له گهل رهوشى ئێستاى ههرێمى كوردستان بگونجێت، بۆ ئهم مهبهستهش داواى داڕشتنى پلانێكى چهند ساڵهیى كرد كه له رێگاى تهمویلكردنى هاوبهش لهنێوان حكومهتى ههرێم و حكومهتى ئهڵمانى جێبهجێبكرێت.
شایانى باسه سهنتهرى تهكنهلۆژیا و راهێنانى ئهوروپى سهر به وڵاتى ئهڵمانیایه و ماوهى سێ ساڵه سهرقاڵى ئهنجامدانى خولى راهێنانه له بوارى جۆراوجۆردا بۆ فهرمانبهرانى حكومهتى ههرێم كه تا ئێستا زیاتر له 6000 فهرمانبهر بهشداری ئهم خوولانهیان كردووه.
کۆنفرانسی پەرەپێدانی پەیوەندیە ئابوریەکانی نێوان هەرێمی کوردستان و کۆماری ئیسلامی ئێران لە شاری هەول ...
ڕۆژی ٢٩ی نیسانی ٢٠١٨، د. عهلى سندى، وهزیرى پلاندانانى حكومهتى ههرێمى كوردستا ...
له ڕێكهوتی 2012 /9/9، د. على سندى، وهزیرى پلاندانانى حكومهتى ههرێمى كو ...