رۆژی  پێنج شەممە 8-8-2019 لەدیوانی وەزارەت د. دارا ڕەشید وەزیری پلاندانان پێشوازی كرد لە خاتوو ئێلیزابێس ڕەوزنستۆك – سیلەر كونسوڵی گشتی ئەمریكا بەوەكالەت لەهەرێمی كوردستان.
لەدیداریك باس لە پەیوەندیەكانی نێوان هەرێمی كوردستان و ئەمریكا كرا هاوكات هەردوولا هاورابون لەسەر پتەوكردنی پەیوەندیەكان و بەردەوامیدان بەهاوكاریەكانی وولایەتە یەكگرتوەكانی ئەمریكا بۆ هەرێمی كوردستان" تەوەرێكی تری دیدارەكە تەرخانكرا بۆ گفتوگۆكردن لەبارەی پەیوەندیەكانی نێوان هەرێمی كوردستان و عێراق لەو بارەیەوە كونسوڵی گشتی ئەمریكا بەوەكالەت لەهەرێمی كوردستان ڕای گەیاند ئەمریكا پاڵپشتی هەر دەست پێشخەری و نزیك بونەوەیەكی نێوان هەولێر و بەغداد دەكات و هەروەها خۆشحالی وولاتەكەشی نیشاندا بۆ ئەو نزیك بونەوە و دەستپێكردنەوەی كۆبونەوەكانی نیوان هەرێم و بەغداد.
دواتر د. دارا ڕەشید باسی لەهەوڵەكانی وەزارەتی پلاندانان كرد لەڕێگەی دارشتن و ئامادەكردنی پلان و بەرنامەی چوارساڵی داهاتووی حكومەتی هەرێم.
لەبەشێكی تری دیدارەكە تاوتوێی كارنامەی حكومەتی هەرێم كرا بەتایبەت هەنگاونان بۆ بن بڕكردن و نەهێشتنی گەندەڵی و ئەنجامدانی چاكسازی لەسێكتەرە جیاجیاكان لەرێگەی بەئەلیكتڕۆنی كردنی دامەزاروەكانی حكومەت" بۆئەمەش وەفدی میوان ئامادەی تەواویان نیشاندا بۆ پاڵپشتی كردن و هاوكاری كردنی حكومەتی هەرێمی كوردستان بۆ ئەوەی بتوانێت زاڵ بێت بەسەر ئەو تەگەر و پێشهاتانەی دێنە پێشی.
پاشان د. دارا ڕەشید وەزیری پلاندانان ستایشی هەوڵە بەردەوامەكانی ئەمریكای كرد بۆ هەرێمی كوردستان بەتایبەت لە شەری دژی داعش و یارمەتیە مرۆییەكان بۆ دانیشتوانی هەرێم بەتایبەت ئەو ئاوارە و پەنابەرانەی بەهۆی شەڕی تیرۆرەوە ڕوویان لەهەرێمی كوردستان كرد" هەروەك داواشی كرد ئەمریكا چۆن رۆڵ و پاڵپشتی گرنگی هەرێمی كوردستان بوە ئاواش بەردەوامبێـت بەتایبەت لە سێكتەرەكانی ئابوری و هاندانی كۆمپانیاكانی وولاتەكەی لەڕێگەی ئەنجامدانی كاری وەبەرهێنان.