1615 جار خوێندراوەتەوە 8/6/2014
وەزیری کارەبا پێشوازی لە کۆمەڵەی کورتەباڵایانی کوردستان کرد
رێکەوتی 5/8/ 2014 دکتۆر سەڵاحەدین بابەکر وەزیری کارەبا لەنووسینگەی تایبەتی خۆی پێشوازی لە عومەر جەبار سەرۆکی کۆمەڵەی کورتە باڵایانی کوردستان و شاندی یاوەری کرد ، لەدیدارێکدا وێڕای بەخێرهاتنی شاندی میوان وەزیری کارەبا کورتەیەکی لەسەر بارودۆخی کارەبا لەهەرێمی کوردستان باسکردوو رایگەیاند پێشخستنی رەوشی کارەبا پێویستی بەپاڵپشتی و هاوکاریکردنی سەرجەم چین و توێژەکان و رێکخراوەکانی کۆمەڵگەی مەدەنی هەیە ، لەو دیدارەدا وەزیری کارەبا وێڕای نیشاندانی ئامادەیی بۆ پاڵپشتیکردن و یارمەتیدانی داواکارییەکانی کورتەباڵایان ، داوای کرد رێکخراوەکەیان رۆڵیان هەبێت لەهۆشیاری بەکارهێنانی کارەباو کەمکردنەوەی زیاد مەسرەفی . لەلایەن خۆشیانەوە شاندی میوان وێڕای پیرۆزبایی وەزیر لەپۆستە نوێیەکەی پێخۆشحاڵی خۆیان دەربڕی بەرامبەر ئەو پێشکەوتنانەی کە لەبواری کارەبا هەرێمی کوردستان بەخۆیەوە بینیوە.
sawen