203 جار خوێندراوەتەوە 8/27/2020
وەزیری كارەبا لە زاخۆ
لەچوارچێوەی سەردانەكەیدا بۆ پارێزگای دهۆك پێش نیوەڕۆی ئەمڕۆ رێكەوتی 27/8/2020 ئەندازیار كەمال محمد ساڵح وەزیری كارەبا سەردانی دەڤەری زاخۆی كردوو لەلایەن بۆتان موحسین قایمقامی زاخۆوە پێشوازی لێكرا، لەو دیدارەدا باس لە رەوشی كارەبا لەدەڤەرەكەو ئەو پرۆژانە كرا كە وەزارەت ئەنجامی دەدات، لەلایەن قایمقامی زاخۆشەوە سوپاسی وەزیرو ستافەكەی كرا بۆ ئەو خەمخۆری و دڵسۆزییەی كە بۆ بەهێزكردنی ژێرخانی كارەبا لەكوردستان بەگشتی و لەدەڤەری زاخۆ بەتایبەتی ئەنجامی دەدەن.
وەزیری كارەبا لەو سەردانەیدا بەڕێوەبەرایەتی دابەشكردنی كارەبای زاخۆی بەسەركردەوەو لەنزیكەوە گوێبستی داواكاریی و پێشنیارەكانی ئەندازیاران و فەرمانبەرانی كارەبا بوو، دەستخۆشی و سوپاسی رێزدار مەسرور بارزانی سەرۆكی حكومەتی هەرێمی كوردستانی گەیاندە تەواویی فەرمانبەرانی وەزارەتی كارەبا كە خەمخۆرانەو دڵسۆزانە لەخزمەتی هاوڵاتیاندا بوون . هاوكات باس لە گرنگی جێبەجێكردنی پرۆژەی كواشێ- تلكەبەر كرا كە كاریگەریی زۆری لەسەر چارەسەركردنی تەواویی گرفتەكانی كارەبا دەكات لەدەڤەری زاخۆ.
sawen