مامۆستایێن بهڕێز
قوتابیێن خۆشتڤی
كۆمهلا گشتی یا نهتهوهیێن ئێكگرتی ڕۆژا (25)ی تشرینا دوێ دهستنیشان كر وهك ڕۆژا بنبڕكرنا توند و تویژیێ دژی ئافرهتان و ههر ژ ساڵا (1980) ئافرهتێن جیهانێ بڕیاڕ دان كۆ ئهڤ ڕۆژه بهێته ساخكرن وهك ڕۆژا بهرههنگاربوونا توند و تویژیێ دژی ئافرهتان.
توند و تویژی دیاردهكا مهترسیداره ل سهر جڤاكی و تاكه كهسی و وهزارهتا پهروهردێ ئهڤ بابهته ب جیدی وهرگرتیه و كار ل سهر كریه وههر ژ دهستپێكێ جهخت ل سهر ڕۆڵی قوتابخانێ كریه د هوشیاركرنا جڤاكی دا.
وهزارهتا پهروهردێ پێگهی مافێن مرۆڤ كریه د پرۆگرامێن خواندنێ دا و ڕۆڵهكێ گرنگ دایه خێزانێ وهك بهشدارهك د پروسهیا خواندنێ دا. زێدهباری كۆ لێكولهرێن جڤاكی د ناڤ ناوهندێن خویندنێ دا دامهزراندینه و ب ئهركێ لێكتێگههشتنا دنێڤبهرا قوتابی و خێزانێ و قوتابی ومامۆستا دا رادبیت.
خوشبهختانه حكومهتا ههرێما كوردستانێ پاڵپشته و باوهریا ئێكجار ههیه ب مافێ ئافرهتێ و د بوارێ راستڤهكرنا برگێن یاسایی بمهبهستا پاراستنا مافهكان پێشهنگ بۆیه و وهزارهتا پهروهردێ بێ بار نهبویه و ل ساڵا 2007 سستهمێ وهزارهتێ ل سهر بنهمایێن مافێن مرۆڤ هاتیه داڕشتن و فهلسهفا پهروهردێ ل سهر بنهما یهكسانیا توخم هاتیه دانان.
هێژایان د كارناما وهزارهتا پهروهردێ دا گرنگیهكا تایبهت ب ئافرهتێ هاتیه دان چ دبوارێ بهرزكرنا رێژا قوتابیێن كچ بیت یان بهشداریكرنا ئهكتیڤ یا ئافرهتان د رێڤهبرنا كارێ پهروهردهیی دا كو كێمتر نهبیت ژ رێژا 30%.
هیڤیا مه ئهوه قوتابخانه ببیته سهنتهرێ گهورینێن جڤاكی و دادپهروهریێ د پاشهرۆژێ دا. ل دوماهیكێ دبێژین نا بۆ توند و تویژیی و هیڤیا سهركهفتنێ بۆ ههموو لایهكی دخوازین
وهزارهتا پهروهردێ