زارۆیێن خۆشتڤی/

ئەڤ دەمە و ھەموو دەمێن ھەوە دخۆش و شاد بن، ئێکی شەش و ڕۆژا جیھانی یا زارۆیان ل ھەموو زارۆیێن کوردستانێ پیرۆز بیت..

ل ئێکی شەش، ھەموو وەڵاتێن جیھانێ ئاھەنگان د گێرن ب ھەلکەفتا ڕۆژا جیھانی یا زارۆیان. ل ڤێ فیستیڤالێ، پیرۆزباھیێن بێ سنوور ئاراستەی ھەوە دکەم و ھیڤیە ھەموو ڕۆژێن ھەوە د خۆش و شاد بن.

خۆشتڤیێن من، پاشەڕۆژا گەشا کوردستانێ گەلەک نەخوشی و ئازار ب سەر مللەتێ مەدا بۆرینە تا گەھشتیە ڤێ قۆناغا ئارام کۆ د ھەرێمەکا ئازاد و سەربەخۆ و یموکراسیدا دژین..

ئەڤرۆ ھوین ب زمانێ دایک ( زمانێ کوردی) دخوینن و بێ گومان ئەڤە ئەنجامێ ماندیبوون و خەباتەکا بەردەوام و دێژ بویە، ئەڤجا ، نھا رۆژا ھەوەیە و دڤێت ھوین ل ئاستێ وێ خەبات و قوربانیدانێ بن.

ھوین پارچەکا سەرەکی و گرنگن د وەزارەتا پەروەردێ دا، چونکە پتر ژ ملیونەک و نیڤ قوتابیان ب خۆڤە د گریت، لەوما ھەموو ھەوڵێن مە، بۆ سەرکەفتن و بەختەوەریا ھەوە بۆیە.

ھوین گولێن گەشێن کوردستانێ نە و دڤێت ھەردەم گرنگیێ ب دەیە خویندن و سەرکەفتنا خۆ و دەست ژ خویندنێ بەر نەدەی. د سیستەمێ نوی یێ پەروەردێ دا، گرنگیەکا تایبەت ب زارۆیێن خۆدان پێدڤیێن تایبەت ھاتیە دان .

ئەڤرۆ ب ڤێ ھەلکەفتێ ، تەئکید ل سەر بدەستڤەئینانا ھەموو ماف و داخوازیێن ھەوەیێن عەزیز دکەم..

خوشتڤیێن من، وەزارەتا پەروەردێ ھەموو ھەولێن خۆ بەردەوام دکەت دا ھوین ب سەرکەفتیانە بخوینن ل باخچێن زارۆیان و قوتابخانێن دیتر، ھەروەسا خۆشکرنا ژینگەھێ خواندنێ ..

بێ گومان، پاشە ڕۆژەکا گەش ل پێشیا ھەوەیە.. دووبارە ڤێ ڕۆژێ ل ھەوە ھەموویان پیرۆز دکەم و ھیڤیدارم ھەردەم پڕ چالاک و داھێنەر بن..

د.عصمت محەمەد خالد

وەزیرێ پەروەردێ

١/٦/٢٠١٢