پشتى ئه‌نجامێن پۆلا نه‌هێ بنه‌ره‌تى یێن سالا خواندنێ 2012-2013 هاتینه راگه‌هاندن، دیاربوو كو رێژا ده‌رچوونێ یا په‌روه‌ردا دهۆك رۆژئاڤا 55.92% یه و رێژه‌كا باشه هه‌مبه‌ر وێ هژمارا زۆرا قوتابیان یا ل سنۆرێ په‌روه‌ردا ناڤهاتى هه‌ى كو 5420 قوتابینه، رێژا ده‌رچوونێ گه‌له‌ك ژ سالێن بۆرى باشتره، له‌ورا بڤێ هه‌لكه‌فتێ پیرۆزباهیا هه‌موو قوتابى و مامۆستایێن خوه دكه‌ین.
هه‌روه‌سا 9 ژ 10 قوتابیێن سه‌ركه‌فتیێن ئێكێ ل سه‌ر ئاستێ په‌روه‌ردا گشتى یا پارێزگه‌ها دهۆكێ یێن سنۆرێ په‌روه‌ردا مه نه و ئه‌ڤه ده‌ستكه‌فته‌كێ مه‌زنه و به‌رهه‌مێ زه‌حمه‌ت و ماندیبوونا كارگێرى و مامۆستایێن مه‌یه، ده‌ستخۆشیێ ل وان دكه‌ین كو خوه ماندى كری هه‌تا ئه‌ڤ ئه‌نجامه ب ده‌ستڤه هاتین، دیسا سوپاسیا سه‌میانێن قوتابیان ژى دكه‌ین كو ژ بۆ سه‌ركه‌فتنا ڤان قوتابیان د گه‌ل مه دهاریكارن.
ب ناڤێ په‌روه‌ردا دهۆك رۆژئاڤا، ژ دل و جان پیرۆزباهیێ ل قوتابیێن سه‌ره‌رم و مامۆستایێن ماندى نه‌نیاس و سه‌میانێن قوتابیان و هه‌ر لایه‌كێ بوویه هانده‌ر كو ڤان ئه‌نجامێن باش بینین دكه‌ین و ئومێده‌وارین سال بۆ سالێ ئه‌نجامێن باشتر بده‌ستڤه بینین.
دوباره پیرۆزه و هه‌ر سه‌ركه‌فتى بن
عومه‌ر ئه‌حمه‌د قاسم
رێڤه‌به‌رێ په‌روه‌ردا رۆژئاڤا