كۆبوونەوەی رۆژانی سێ شەممە لەگەڵ جووتیاران و بەرهەمهێن و فەرمانبەرانی دامودەزگاكانی وەزارەت بە سەرپەرشتی بەڕێز عەبدولستار مەجید وەزیری كشتوكاڵ و سەرچاوەكانی ئاو بە ئامادەبوونی ئەندامانی لیژنەی بەدواداچوونی كێشەكان هۆكارێكی گرنگە بۆ ئەوەی زیاتر لە نزیكەوە بە داواكاری و كێشەكان ئاشنابێت، لەم ماوەیەشدا لیژنەكە چالاكییەكی بەرچاوی هەبووە لە بەدواداچوونی ئەو كێشەو گرفتانە، لە كۆبوونەوی ئەم هەفتەیەشدا جووتیاران و بەرهەمهێنان بە هەموو راشكاوییەكەوە باسیان لە كێشەكانیان كرد لەوانە كێشەی زەوی و لێدانی بیر و هەندێ داواكاری دیكە، وەزیری كشتوكاڵ و سەرچاوەكانی ئاو جەختی لەوە كردەوە كە ئەو لیژنەیەی لە وەزارەت پێكهێنراوە لەنزیكەوە بە كێشەكانیان ئاشنا دەبێت و بەردەوامیش لە پەیوەندی كردندا دەبێت بە لایەنی پەیوەندیدار لە رێگەی نووسراوی فەرمییەوە، روونیشی كردەوە كە وەزارەت بەپێی تواناو رێنماییەكان مامەڵە لەگەڵ هەموو كێشەكان دەكات و مافی هەموولایەكیش دابین دەكرێت، شایانی باسە لە كۆبوونەوەكەدا وەزیری كشتوكاڵ و سەرچاوەكانی ئاو راستەوخۆ گوێی لە ئامادەبووان گرت و لە كێشەكانیانی كۆڵیەوە.