بەسەرپەرشتیی بەڕێز محەمەدەمین فارس بەڕێوەبەرى گشتیى سەرچاوەکانى ئاو سەرۆکى لیژنەى باڵاى ئاو، کۆبوونەوەیەكى لیژنەكە لە دیوانی بەڕێوەبەرایەتیى گشتى بە ئامادەبوونی ئەندامانى لیژنەى باڵاى ئاو کە پێکهاتبوون لە نوێنەرى وەزارەتە پەیوەندیدارەكانی(شارەوانى و گەشت و گوزارو سامانە سروشتییەکان و هەرێم بۆ كاروباری ژینگە، هەروەها دەزگاى ئامار ) بەڕێوەچوو. لە میانی کۆبوونەوەکەدا باسى سەرچاوەکانى ئاوى هەرێمى کوردستان و عێراقى فیدراڵ و ناوچەکە کرا رۆشناییش خرایە سەر ڕەوشى ئاو لەژێر کاریگەریى پڕۆژەكانى ئاو لە وڵاتانى دەوروبەر و گۆڕینی رێڕەوی رووبارەكان ، هاوكات گۆڕانى کەش و هەواو بارى بەڕێوەبردنى ئاوى هەرێمى کوردستان کە پێویستى بە هەڵسەنگاندن و پێداچوونەوەى خێرا هەیە . هەر لەم کۆبوونەویەدا تەئکید لە داڕشتنەوەى یاسا و ڕینماییەکان کرایەوە، هەروەها لەلایەن ئامادەبووانەوە گرفت و کێشە جۆراو جۆرەکانی پەیوەست بە سەرچاوەكانی ئاوو میكانیزمی چارەسەركردنیان بە تێرو تەسەلی گفتوگۆیان دەربارە كرا.