بەڕێز عەبدولستار مەجید وەزیری كشتوكاڵ و سەرچاوەكانی ئاو بە بۆنەی جەژنی رەمەزانی پیرۆزەوە جەژنە پیرۆزەی لە یەكە یەكەی كارمەندو فەرمانبەرانی وەزارەت كرد، لە كۆبوونەوەیەكدا كە بە ئامادەبوونی بەڕێوەبەرانی گشتیی لە دیوانی وەزارەت بەڕێوەچوو، وێڕای پیرۆزبایی كردن هیوای كاتێكی بەختەوەری بۆ خواستن و لە تەوەرێكی دیكەی قسەكانیدا بۆ فەرمانبەران باسی لە هەندێ رووداوو پێشهاتی سیاسی و كۆمەڵایەتی و نیشتمانی كردو دووپاتی كردەوە كە هەموو لایەك پێویستە ئەو بەرپرسیارێتییەی لەسەر شانیانە بەرامبەر بە میللەت و نیشتمان و كارو پیشەكەیان بە دڵسۆزییەوە جێبەجێی بكەن و دەبێ قوربانیی رۆڵەكانی گەل لەبەر چاوو لەنێو دڵ و ویژدانمان بێت، وەك وەفایەك بۆیان بتوانین هەموومان بە یەكەوە كار بۆ خۆشگوزەرانی و بەختەوەری و سەركەوتنی گەلەكەمان بكەین لە كوردستانێكی ئاوەداندا، هیواشی خواست كە بە زووترین كات هەرچی قەیران و كێشە سیاسی و دارایی و ئابوورییەكان هەیە كۆتاییان بێت و میللەتیش لە لێكەوتەو كاریگەرییەكانی ئەو قەیران و كێشانە رزگاریان بێت، دواتر یەكە یەكە پیرۆزبایی لێكردن و هەر بەم بۆنەیەشەوە شیرینیی جەژنە دابەشكرا.