وەزیری كشتوكاڵ و سەرچاوەكانی ئاو هیوای خواست بارانی ئەم ساڵ ببێتە مایەی رەحمەت و بووژاندنەوەی كەرتی كشتوكاڵ و بەرهەمی جووتیاران زیاتر گەشە بكات و بنەمای ئابووریی هەرێمی كوردستان زیاتر پتەوبكات، بەڕێز عەبدولستار مەجید وەزیری كشتوكاڵ و سەرچاوەكانی ئاو لە میانی سەرپەرشتی كردنی هەفتانەی لیژنەی بەدواداچوونی كێشەكانی جووتیاران لە دیوانی وەزارەت، لە نزیكەوە گوێی لە داواكاری و كێشەكانی جووتیاران گرت، كە پەیوەست بوون بە زەویی كشتوكاڵی و كێشەی تەسویەو تەملیكی زەوییەكان، ، سەبارەت بە بابەتی بیرلێدان جەختكرایەوە لەسەر پابەندبوون بە رێنماییەكان بۆ لێدانی بیرو پارێزگاری كردن لە سامانی ئاوی ژێر زەوی، وێڕای ئەمانە چەندین كێشەو داواكاریی خرانە بەرباس لەوانە داوای هەندێ جووتیار بە دابینكردنی پەیین لە وەرزی ئێستای چاندندا هاوكات چارەسەركردنی نەخۆشییەكانی مەڕو ماڵات، لەلای خۆشیەوە وەزیری كشتوكاڵ و سەرچاوەكانی ئاو جەختی لەوە كردەوە كە وەزارەت بەپێی توانا هەوڵی جێبەجێكردنی كێشەو داواكارییەكان دەكات.