بە بۆنەی جەژنی پیرۆزی قوربانەوە بەڕێز عەبدولستار مەجید وەزیری كشتوكاڵ و سەرچاوەكانی ئاو لە نووسینگەی تایبەتیی خۆیدا پێشوازی كرد لە بەڕێوەبەرەگشتییەكان و سەرجەم بەڕێوەبەرو سەرۆك هۆبەو بەشەكان، هەروەها كارمەندو فەرمانبەرانی وەزارەت، لە میانی دیدارەكاندا وێڕای پیرۆزبایی كردن هیوای سەركەوتن و بەختەوەری بۆ میوانان خواست، لەلایەكی دیكەوەو لە درێژەی گفتوگۆكانیدا لەگەڵیاندا ئومێدی ئەوەی خواست كە سەرجەم قەیرانە سیاسی و ئابووری و كۆمەڵایەتییەكان چارەسەربكرێن و گەلی كوردیش بە ئامانج و خواستی رەوای خۆی بگات و هێمنی و ئاسایش زیاتر لە هەرێمەكەماندا بەرقەراربێت