وەزارەتی كشتوكاڵ و سەرچاوەكانی ئاو بە رەچاوكردنی بەرژەوەندیی گشتی خاوەن پرۆژەكانی دایكانە و هەڵهێنەرەكان و كارگەكانی ئالیك، هەروەها راگرتنی هاوسەنگی تاكو هیچ لایەكیش زەرەرمەند نەبن و دوابەدوای دوو كۆبوونەوەی بەڕێوەبەرایەتيی گشتيی ڤێتێرنەری و سامانی ئاژەڵ لەگەڵ ئەو لایەنانە ئەم بڕیارانەی خوارەوەی دەركرد: 1 ) نرخی هێلكەی تروكاندن لە ( 60 ) سەنت دادەبەزێت بۆ ( 50 ) سەنت بۆ ماوەی ( 2 ) مانگ ئەم نرخە بەردەوام دەبێت و پاشان هەلسەنگاندن و بەدواداچوونی بۆ دەكرێت. 2 ) دانانی پلانی تۆكمە لە پارێزگاكان بۆ ئيدخال كردنی جوجكە بۆ راگرتنی هاوسەنگی بازاڕ بەهەماهەنگی لە نێوان كۆمەڵە و بەڕێوەبەرایەتيی سامانی ئاژەڵ و هەڵهێنەرەكان . 3 ) ڕێگاگرتن لە هاوردەكردنی جوجكەی یەك رۆژی بە قاچاغ و وەرگرتنی كاردانەوەو ئیجرائات كردن بەرامبەر ئەوانەی بازرگانی بە جوجكەوە دەكەن بەشێوەی نایاسایی، هەروەها ئەو هەڵهێنەرانەش كە پسوولەی فرۆشتن دەدەن بەو پرۆژانەی كە جوجكە داخڵ دەكەن. 4 ) پابەندبوونی هەڵهێنەرەكان بە دابین كردنی جوجكە بەبێ‌ جیاوازی لەسەر تاسەری هەرێم بۆ پرۆژەكان بە ئاگاداری و نوسراوەكانی بەڕێوەبەرایەتيی سامانی ئاژەڵ بەپێی مۆڵەتی تەندروستيی ڤێتێرنەری ڕەوانەی شارەكان دەكرێت ئەو پرۆژەیەی توانای بەرهەمی زیاتر بێت لە وەرزی هەڵهێنەرەكە دەتوانێت هەناردەی دەرەوەی هەرێم بكات. 5 ) نرخی ئالیك لەسەرتاسەری هەرێم ( 20 ) دۆلار بۆ یەك تەن لە نرخی ئێستای فرۆشتنی ئالیكی پەلەوەر دادەبەزێت.