وەزیری کشتوکاڵ و سەرچاوەکانی ئاو رایگەیاند، كێشەی مووچەی فەرمانبەرانی بەڕێوەبەرایەتی گشتی بەنداو و كۆگاكانی ئاو چارەسەر کراوە و لەم هەفتەیە موچەکانیان خەرج دەکرێت. بێگەرد تاڵەبانی، وەزیری کشتوکاڵ سەرچاوەکانی ئاو لە لاپەڕەی تایبەتی خۆی لە تۆڕی کۆمەڵایەتی فەیسبوک دەڵێت: بۆ چارەسەركردنی كێشەی مووچەی فەرمانبەرانی بەڕێوەبەرایەتی گشتی بەنداو و كۆگاكانی ئاو لە پەیوەندی بەردەوام دابووین، بە سوپاسەوە جەنابی سەرۆك كۆمار بۆ چارەسەركردنی ئەم كێشەیە ئەمشەو لە پەیوەندیەكی تەلەفۆنی پێی راگەیاندین كە لەگەڵ جەنابی سەرۆك وەزیرانی عێراق چارەسەری ئەم كێشەیی كردووە، بڕیار دراوە لەم هەفتەیە مووچەكانیان خەرج بكرێت. ئاماژەی بەوەشکردوە، سوپاسی جەنابی سەرۆك كۆمار و نوێنەرانی كورد لە پەرلەمانی عێراق و هەردوو لیژنەی كشتوكاڵ و لیژنەی دارایی ئەنجوومەنی نوێنەرانی عێراق دەكەین. بێگەرد تاڵەبانی، وەزیری کشتوکاڵ سەرچاوەکانی ئاو دەشڵێت، فەرمانبەرانمان لە بەڕێوەبەرایەتی گشتی بەنداو و كۆگاكانی ئاو دڵنیا دەكەینەوە كە لەپەیوەندی بەردەوام دەبین بۆ ئەوەی لەم هەفتەیە مووچەكانیان خەرج بكرێت.