1- دەبێت بە پێی رێنمایی ژمارە (3) ساڵی 2014 بێت كە تایبەتە بە هاوردە كردنی بنەتۆی سەوزەو دانەوێڵە لە هەرێمی كوردستان –عێراق . 2- تەنیا جۆری گەنمی وورد (نان ) رێگای پێدەدرێت . 3- بە پێی بڕگە (2) لە ماددەی چوارەم لە رێنمایی سەرەوە كە دەڵێت ( دەبێت بنەتۆیەكە لە كۆمپانیای یان دەزگای رەسەنی خۆی هاوردە بكرێت . بۆ سەلماندنی رەسەنایەتی و نەبوونی لایەنی دیكەی بەرهەمهێن دەبێت ئەم بڕوانامانەی لەگەڵدابێت ( International Seed Testing Association ISTA ) هەروەها (سەرچاوە ORIGIN CERTIFICATION ،سەلامەتی تەندروستی PHYTOSANITORY CERTIFICATION ) كە ئەم دوانەیان پشتراستكرابێت لە لایەن دیوانی وەزارەتی پەیوەنداری ئەو وڵاتە و بالوێزخانە یاخود قونسڵخانەی عێراق یان نوێنەرایەتیی حكومەتی هەرێمی كوردستان وە بە زمانی ئینگلیزی نوسرابیت . . 4- دەبێت كۆمپانیای بەرهەمهێن بەڵگەی پێویست بداتە ئەو كۆمپانیانەی هەرێم یان كە گرێبەستیانی لەگەڵدا هەیە و پەسەند كرابێت لەلایەن باڵوێزخانە یاخود قونسڵخانەی عێراقی یاخود نوێنەرایەتیی حكومەتی هەرێمی كوردستان لەو وڵاتە بەمەرجێك وەرگێڕانی فەرمی بۆ كرابێت . 5- بۆ هەر نوسراوێكی رەزامەندی هاوردە كردن تەنیا بڕی ( 5000 ) پێنج هەزار تەن رێگەی پێدەدرێت ، پاشان دەكرێت نوسراوی دیكەی رەزامەندی بۆ هەمان كۆمپانیا بكرێت پاش دڵنیا بوون لە هاتنە ژوورەوەی گشت بڕی پێشوو . 6- بە پێی بڕگە (1) ی ماددەی هەشتەم لە رێنماییەكانی سەرەوە لە كاتی هاتنە ژوورەوەی بۆ ناو هەرێمی كوردستان بەشی بەرهەم هێنان و پەسەند كردنی بنەتۆ هەڵدەستێت بە ئەنجامدانی پشكنینی پێویست . 7- دادگاكانی كوردستان تەنیا شوێنە بۆ یەكلا كردنەوەی هەر كێشەیەك سەرهەڵبدات .