خاتوو (بێگەرد تاڵەبانی) وەزیری كشتوكاڵ و سەرچاوەكانی ئاو، پێشوازیكرد لە وەفدێكی كونسوڵخانەی ویلایەتە یەكگرتووەكانی ئەمریكا لە هەولێر بەسەرۆكایەتی (ئەلیزابێس رۆزنستۆك سیلەر)جێگری كونسوڵی گشتی و خاتوو(ماریسا سمیس)گەورە بەرپرسی ئابوری كونسوڵخانەی ئەمریكا. لە دیدارێكدا كە ئەمڕۆ(6/8/2019)لە دیوانی وەزارەت بەڕێوە چوو، گفتوگۆكرا دەربارەی پلانی وەزارەتی كشتوكاڵ و سەرچاوەكانی ئاو بۆ چوارساڵی داهاتووی وەزارەتەكە لە پێناو پەرەپێدانی كەرتی كشتوكاڵ و سەرچاوەكانی ئاو و ئەو كێشە و لەمپەرانەی لە بەردەم پەرەپێدانی كشتوكاڵ هەیە لە هەرێمی كوردستان، هەروەك باس لە هەماهەنگی و هاوكاری هەردوولا كرا لە بواری كشتوكاڵ و داوا لە بەرپرسانی كونسوڵخانەی ویلایەتە یەكگرتوەكان كرا هانی كۆمپانیا و وەبەرهێنەرانی وڵاتەكەیان بدەن بۆ ئەوەی لە هەرێمی كوردستان لە بوارەكانی كشتوكاڵ وەبەرهێنان بكەن بەتایبەتیش لە كایەی بەخێوكردنی مانگای شیر و گۆشت و بەرهەمهێنانی ئالیك.