لەدرێژەی سەردانەكەیدا بۆ بەریتانیا بەڕێز عەبدولستار مەجید وەزیری كشتوكاڵ و سەرچاوەكانی ئاو بە یاوەریی شاندێكی وەزارەت كە لە بەڕێوەبەری گشتی سەرچاوەكانی ئاوو بەڕێوەبەری گشتیی لە دیوانی وەزارەت و ژمارەیەك پسپۆڕو شارەزا پێكهاتبوو لە لەندەن، لەگەڵ ئاژانسی پەرەپێدانی بەریتانی كۆبۆوە، لە میانی دیدارەكەدا باس لە رۆڵی ئاژانسەكە كرا كە گرنگیی دەدات بە بواری پەرەپێدان لە چەندین وڵاتی جیهان، سەرەڕای كارەكانی خۆیان لە بەریتانیا، لە تەوەرێكی دیكەدا باس لە دابینكردنی بودجە كرا كە هەوڵی بۆ دەدرێت لەلایەن ئاژانسەكەوە لەگەڵ هەندێك لە رێكخراوەكانی جیهانی بۆ ژمارەیەك پڕۆژە لە هەرێمی كوردستان، هەروەها لەو بودجەیەی كە لەبەر دەستی خۆیانە بە تایبەتیش پڕۆژەكانی ئاو كە بەلای ئەوانەوە گرنگیی زۆری هەیە، چونكە ئاوی خواردنەوە بۆ هاووڵاتیان و ئاوارەكان دابین دەكرێت، هاوكات دروست كردنی ژمارەیەك پڕۆژەی دیكە كە ببێتە هۆی پێشخستن و پەرەپێدانی هەرێمی كوردستان و گواستنەوەی ئەو شارەزاییەی كە هەیانە بۆ هەرێمی كوردستان.