وەزارەتی كشتوكاڵ و سەرچاوەكانی ئاو بڕیاری دا كە هاوردەكردنی گۆشتی مریشك و هێلكەو بەروبوومەكانی مریشك لەمڕۆوە 10-5-2015 لە توركیا قەدەغە بكرێت، بەڕێز عەبدولستار مەجید وەزیری كشتوكاڵ و سەرچاوەكانی ئاو لە لێدوانێكدا ئەمەی پشتڕاست كردەوەو روونی كردەوە كە بڕیاردراوە هەموو جۆرە گۆشت و بەروبوومەكانی پەلەوەڕ لە وڵاتی توركیاوە بۆ هەرێمی كوردستان قەدەغەبكرێت، هۆكاری ئەم بڕیارەش هەروەك ئاماژەی پێكرد لەبەر ئەوەیە كە لە توركیا حاڵەتی سەرهەڵدانی نەخۆشیی ئەنفلەوەنزای باڵندەH5N1) ) تۆماركراوە بە پێی راپۆرتی تەندروستیی ئاژەڵیی جیهانی OIE ، وەزیری كشتوكاڵ و سەرچاوەكانی ئاو دووپاتیشی كردەوە كە جێبەجێكردنی ئەم بڕیارە درێژەی دەبێت تا ئەو كاتەی رێكخراوی ناوبراو بە فەرمی ئاگادارمان دەكاتەوە كە ئەو نەخۆشییە كۆتایی هاتووە.