دوای ئەوەی وەزارەتی كشتوكاڵ و سەرچاوەكانی ئاو لەم ماوەیە چەندین بڕیاری دەركرد كە لە بەرژەوەندیی هاووڵاتیاندایە بۆ بەرەنگاربوونەوەی هەر حاڵەتێكی نەخوازراو لە بڵاوبوونەوەی ئەنفلەوەنزای باڵندە، كە یەكێك لەو بڕیارانە قەدەغەكردنی فرۆشتنی مریشكی زیندووە لەدوكان و سەر شەقامەكان، ئەمڕۆ ژمارەیەك لە خاوەن فرۆشگاكانی مریشك گردبوونەوەیەكیان لەبەردەم وەزارەت سازكرد وەك دەربڕینی راوسەرنجیان دەربارەی ئەم بڕیارانە، دواتر بەڕێز عەبدولستار مەجید وەزیری كشتوكاڵ و سەرچاوەكانی ئاو لەگەڵ نوێنەرانی گردبوونەوەكە كۆبۆوەو لە لێدوانێكدا بۆی روون كردنەوە كە ئەم بڕیارانە لە ئەنجومەنی باڵای بەرەنگاربوونەوەی نەخۆشیی باڵندە دەرچووە نەك تەنیا لە وەزارەتی كشتوكاڵ و سەرچاوەكانی ئاو، ئاماژەشی بەوە كرد كە داواكاریی ئەوان بەهەند وەردەگرێت و بۆ ئەنجومەنی باڵای بەرەنگاربوونەوەی نەخۆشیی باڵندەی بەرز دەكاتەوەو لە ماوەیەكی نزیكدا وەڵامیان دەدرێتەوە.