بەڕێزعەبدولستار مەجید وەزیری كشتوكاڵ و سەرچاوەكانی ئاو پێشوازی كرد لە نوێنەرانی كۆمپانیای شیفرۆن كە لە بواری نەوت و غازدا لە هەندێ ناوچەی هەرێمی كوردستان كاردەكات، لە دیدارێكدا كە دكتۆر عەبدولرەحیم عومەر بەڕێوەبەری گشتیی كشتوكاڵی هەولێر ئامادەی بوو، سەرەتا شاندی میوان باسیان لە ئامانجی سەردانەكەیان كرد كە تایبەت بە هاوكاری كردنی جووتیاران لەو ناوچانەی كە ئەو كۆمپانیایانە كاری تێدا دەكەن، ئەو هاوكارییەش بریتییە لە دابەشكردنی خانووی پلاستیك بەسەر جووتیاران بەبێ بەرانبەر وەك بەشێك لە خزمەتكردنی جووتیاران، لەم رووەوە وەزیری كشتوكاڵ و سەرچاوەكانی ئاو وێڕای دەستخۆشی كردن لە كۆمپانیای شیفرۆن بۆ كاروباری نەوت و غاز دووپاتی كردەوە كە ئەم هەنگاوە تا رادەیەك دڵسۆزی و وەفاداری ئەو كۆمپانیایە بەرجەستە دەكات وەك بەشێك لە خزمەتكردنی جووتیارانی كوردستان كە دەبێتە هاندەرێك بۆ زیادكردنی بەرهەمی خۆماڵی و دووپاتكردنەوەی ئەو سەركەوتنەیە كە خانووی پلاستیك تا رادەیەكی باش لە زێدەكردنی ئەم شێوازە بەرهەمهێنانە وەدی هێناوە، لە كۆتایشدا هیوای سەركەوتنی بۆ كۆمپانیای ناوبراو خواست.