بەڕێز عەبدولستار مەجید وەزیری كشتوكاڵ و سەرچاوەكانی ئاو بەبۆنەی رۆژی ژینگەوە سەرپەرشتی هەڵمەتێكی پاككردنەوەی وەزارەتی لەگەڵ فەرمانبەران كرد، لەم هەڵمەتەدا شان بە شانی فەرمانبەران لە ناو وەزارەتدا بەشداریی راستەوخۆی كردو پاراستنی ژینگەی كوردستانی بە ئەركی سەرشانی هەموو تاكێكی كۆمەڵگە لە قەڵەمدا، هەروەها روونی كردەوە كە ئەم ئەركە ئایینی و نیشتمانی و نەتەوەیيەو دڵسۆزیی و ئینتیمای هاووڵاتی بەرامبەر بە گەل و وڵات دووپاتدەكاتەوە، رۆژی ژینگە ساڵانە لە 16-4 لە سەرتاسەری هەرێمی كوردستاندا بەڕێوەدەچێت كە سەرجەم فەرمانگەو دامەزراوەكانی حكومەت و هاووڵاتیان بەشداریی لە هەڵمەتی پاككردنەوەی شوێن و ناوچەكانیان دەكەن.