بێگەرد تاڵەبانی: بە هەماهەنگی و پێشنیاری دڵسۆزان بایەخ بە كەرتی كشتوكاڵ و ئاودێری دەدەین بێگەرد تاڵەبانی سەردانی مەڵبەندی سێی هەولێری یەكێتی نیشتمانی كوردستانی كرد وەزیری كشتوكاڵ و سەرچاوەكانی ئاو دەڵێت، بە هەماهەنگی و پێشنیاری دڵسۆزان بایەخ بە كەرتی كشتوكاڵ و ئاودێری دەدەین. ئەم وتانەی بێگەرد تاڵەبانی، وەزیری كشتوكاڵ و سەرچاوەكانی ئاو لە میانی سەردانێكیدا بوو كە ئەمڕۆ چوار شەممە 9/9/2020، بۆ مەڵبەندی سێی هەولێری یەكێتی نیشتمانی كوردستان. لەسەرەتای سەردانەكە دكتۆر رێبوار ئیسماعیل، لێپرسراوی مەڵبەندی سێی هەولێری یەكێتی نیشتمانی كوردستان بەخێرهاتنی وەزیری كشتوكاڵ و سەرچاوەكانی ئاوی كرد. پاشان بێگەرد تاڵەبانی، وەزیری كشتوكاڵ و سەرچاوەكانی ئاو تیشكی خستەسەر ئەو پڕۆژانەی كە لەماوەی رابردوو ئەنجامیداون، لەگەڵ چەندین پڕۆژەی تر كە كاری تێدا دەكرێت لەپێناو بەرژەوەندی جوتیاران. وەزیری كشتوكاڵ و سەرچاوەكانی ئاو ئاماژەی بەوەشكرد، بە هەماهەنگی و پێشنیاری دڵسۆزان دەتوانین بایەخ بە كەرتی كشتوكاڵ و ئاودێری بدەین. هەردولا جەختیان كردەوە لەسەر هەماهەنگی بەردەوام لەنێوانیاندا لەپێناو بەرژوەندی جوتیاران.