ماددەی یەكەم : پێناسەی زاراوەكان : 1- وەزارەت / وەزارەتی كشتوكاڵ و سەرچاوەكانی ئاو 2- بەرێوەبەرایەتی گشتی / بەرێوەبەرایەتی گشتی باخداری و دارستان و پاوان 3- بنە تۆو / مەبەست بنە تۆوی پەتاتەیە بە شێوەی سەرك 4- كۆمپانیا /ئەم كۆمپانیە كشتوكاڵیانەن كە بروانامەی دامەزراندنیان هەیە لە وەزارەتی بازرگانی و پیشەسازی حكومەتی هەرێمی كوردستان . ماددەی دووەم : مەرجەكانی كۆمپانیای هاوردەكار : 1- كۆمپانیاكە بە گشتی تایبەت بێت لە بواری كشتوكاڵ و پسپۆری هەبێت لە بواری پەتاتە . 2- كۆمپانیا بریكاری رەسەنی یەكێك لە كۆمپانیا سەرەكی یەكانی بواری بەرهەمهێنانی بنە تۆو بێت لە ووڵاتە پێشكەوتوكانی بواری پەتاتە . 3- دەبێت كۆمپانیا مۆلەتی هاوردەكردنی هەبێت لە بەرێوەبەرایەتی گشتی بازرگانی و ماوەی هاوردە كردنی بەسەر نەچووبێت. ماددەی سێهەم / مەرجە بنەرەتی یەكانی بنە تۆوی هاوردەكراو : 1- پێویستە جۆری بنەتۆوەكە تۆمار كراوبێت لە لایەن لیژنەی نیشتیمانی تۆمار كردن و پەسند كردنی حكومەتی عیراقی فیراڵ . 2- بنە تۆوەكان پێشتر لە ساڵانی رابوردوودا لە هەرێمی كوردستان چاندرابن و سەركەوتنیان بەدەست هێنابێت و بەرێوەبەرایەتی گشتی پەسەندی بكات . مادەەی چوارەم / مەرجە هونەریەكانی بنە تۆوی هاوردەكراو : 1- دەبێت بنە تۆوەكە لەناو كیس ( گونیە ) لە جۆری ( جوت ) بێت كێشیان ( 25 ) یان ( 50 ) كغم بێت . 2- لەسەر گونیەكە ( لێبل ) هەبێت ، كە ناوی كۆمپانیا و جۆر و پلە و بەرواری لەسەر تۆمار كرابێت بەزمانی ئینگلیزی . 3- تیرەی سەركی بنە تۆوەكە لە نێوان ( 35 – 55 ) ملم بێت . 4- دەبێت بنە تۆوەكە خاوێن بێت و نابێت رێژەی خۆڵ ( الاتربە ) كە لە 1 % كێشی بنە تۆوەكە زیاتر بێت . 5- نابێت رێژەی بریندار بوونی بنە تۆوەكان لە 2 % تێپەر بكات . 6- بنە تۆوەكە دەستكاری بۆ ماوەیی نەكرابێت ( غیر معدل وراپیا ) . 7- لە كاتی چەكەرە كردن یان پاش چەكەرە كردن لە یەك جۆر لە بنە تۆو ،ئەگەر تووشی نەخۆشی بوو لە چەند كێلگەیەك لە پارێزگاكان ، پاش لێكۆلینەوە لە حالەتەكە ، هاوردەكار بەرپرس دەبێت . ماددەی پێنجەم : بنە تۆوی هاوردەكراو ئەم بروانامانەیان لەگەل دا بێت : 1- بروا نامەی سەرچاوەی بەرهەمهێن . 2- بروانامەی پشكنین و باوەر پێكردنی ووڵاتی بەرهەمهێنەر . 3- بروانامەی سەڵامەتی تەندروستی رووەك لە رێكخراوی ISTA . 4- رەزامەندی كەرنتینەی سنووری هەرێمی كوردستانی هەبێت . مادەەی شەشەم : میكانیزمی گواستنەوەی بنەتۆو : 1- پێویستە شێوازی گواستنەوەی بنە تۆو لە هەموو قۆناغەكاندا لە وولاتی بەرهەم هێنەرەوە بە ئۆتۆمبیلی ساردكەرەوە بێت و تا دەگاتەهەرێمی كوردستان وەلە كۆگای ساردكەرەوە دابنرێت و بە پێ‌ ی تایبەتمەندیكانی هەلگرتنی بنە تۆو تا دەگاتە دەستی جوتیار . 2- لە كاتی گواستنەوەی بنە تۆو لە نێوان هەرێم و پارێزگاكانی تری عیراق ، پێویستە رەزامەندی وەزارەتی كشتوكاڵی ئەو لایەنەی هەبێت كە بۆی دەگوازرێتەوە . ماددەی حەوتەم : لە كاتی هاوردەكردنی بنە تۆوی باوەر پێ نەكراو ( غیر معتمد ) بەمەبەستی چاندن و تاقی كردنەوە و تۆمار كردن ، رێگا دەدرێت تەنها بە هاوردە كردنی ( 1 ) تەن بۆ هەر جۆرێك ، وە سەرپەرشتی دەكرێت لەلایەن بەرێوەبەرایەتی تۆیژینەوەی كشتوكاڵی لە پارێزگاكان . ماددەی هەشتەم : میكانزمی داواكردن بۆ هاوردەكردنی بنە تۆو : 1- كۆمپانیای هاوردەكار داوا پێشكەش دەكات بە بەرێوەبەرایەتی گشتی كشتوكاڵی پارێزگای پەیوندار لەگەل هەموو زانیاریەكان ، پاشان داواكە بەرز دەكرێتەوە بۆ وەزارەت ، بۆ وەرگرتنی رەزامەندی و ئەنجامدانی كاری پێویست . 2- لیژنە پسپۆرەكانی بەرێوەبەرایەتی گشتی مافی سەردان و پشكنینی هەر جۆرە بنە تۆوەكیان هەیە كە دێتە هەرێمی كوردستان ، بەمەبەستی دڵنیا بوون لە جێ‌ بەجێ‌ كردنی رێنماییەكان . 3- لە كاتی بوونی سەرپێچی بە پێ‌ ی یاسا و رێنماییەكانی كار پێكراو رێكاری یاسایی دەگیرێتە بەر . ماددەی نۆهەم ئەم رێنمایی یە كاری پێ دەكرێت لە بەرواری دەرچوونیەوە ولە روژنامەی (وەقایعی كوردستان) بڵاودەكرێتەوە . عبد الستار مجید وەزیری كشتوكاڵ وسەرچاوەكانی ئاو هۆكاری دەرچوونی ئەم رێنماییە : بەرهەمی پەتاتە یەكێكە لە بەرهەمە سەركی و گرنگەكان لە رووی بەهای ئابووری و خۆراكیەوە و لەم ساڵانەی رابووردوودا بەهۆی گرتنە بەری پڵان و سیاسەتێكی سەركەوتوو لەلایەن ( وەزارەتی كشتەكاڵ و سەرچاوەكانی ئاو ) وە ئەم بەرهەمە گەشەیەكی زۆری بەخۆوە دی لە رووی بر و جۆرەوە ، وەژمارەیەكی بەرچاو لە كۆمپانیای تایبەتمەند لەم بوارە و جوتیارو بەرهەمهێنەری شارەزا دروست بوون ، لەبەر ئەو هۆكارانەی سەرەوە ئەم رێنمایانەمان دەركرد .