لەسەر گرتنەوەی ئاوی رووباری خواروو ( زێی بچووك) بەڕێز عەبدولستار مەجید وەزیری كشتوكاڵ و سەرچاوەكانی ئاو پەیوەندیی بە سەرجەم لایەنە پەیوەندیدارەكان كردووە و گلەیی بە لایەنی كۆماری ئیسلامیی ئێران گەیاندووە، راستەوخۆش پەیوەندیی بە بەڕێزان سەرۆكی ئەنجومەنی وەزیران و جێگرەكەی كردووە بۆ ئەوەی ئەوانیش لە لایەن خۆیانەوە فشار بخەنە سەر وڵاتی ئێران، بۆ كەمكردنەوەی زیانەكان و لایەنی ئیرانیش بە وەزیری كشتوكاڵیان راگەیاندووە كە لە ماوەی دوو رۆژی داهاتوودا تەواوی ئاوەكە بەردەدەنەوە، هەر بۆ ئەم مەبەستەش یەكەم رۆژی جەژن شاندێكی وەزارەت بە سەرۆكایەتی وەزیر سەردانی دەڤەری پشدەر دەكەن و لە دوای جەژنیش سەردانی كۆماری ئیسلامی ئێران دەكەن بۆ گەیاندنی نامەی ناڕەزایی وەزارەت و پێشنیار بۆ گەیشتن بە رێكەوتن لەسەر ئەم بابەتە و بابەتەكانی دیكەی پەیوەندیدار بە مافكەوتەكانی هەرێمی كوردستان لە ئاوی رووبارەكانی هاتوو لە وڵاتی ئێرانەوە بە پێی رێكەوتننامە و یاسا نێودەوڵەتییەكانی تایبەت بە ئاوی هاوبەش له نێوان وڵاتاندا.