بە ئامادەبوونی بەڕێز عەبدولستار مەجید وەزیری كشتوكاڵ و سەرچاوەكانی ئاو، لیژنەی بەدواداچوونی كێشەكانی جووتیاران لە دیوانی وەزارەت، ئەمڕۆ سێ شەممە سەرقاڵی گوێگرتن و بەدواداچوونی كێشەو داواكارییەكانی جووتیارو خاوەن پڕۆژەكانی كشتوكاڵی بوو، لەگەڵ ژمارەیەك لە جووتیارو بەرهەمهێن و فەرمانبەرانی دامودەزگاكانی وەزارەت كۆبۆوە، لەسەرەتای كۆبوونەوەكەدا وەزیری كشتوكاڵ و سەرچاوەكانی ئاو دووپاتی كردەوە كە هەموو سێشەمموان كە لەگەڵ جووتیارو بەرهەمهێنان كۆدەبینەوە، بۆ ئەوەی گوێ لە داواكاری و گرفتەكانیان بگرین، ئەمڕۆش جەخت لەوە دەكەینەوە كە بە پێی تواناو یاساو رێنماییەكان چارەسەریان بۆ دەست نیشان دەكەین، دواتر باس لە كێشەكان كرا لەوانە پرسی زەوی وزاری نێوان هەندێ كەس كە كێشەی لێكەوتۆتەوە، هاوكات ئاماژە بە پرسی لە بیرلێدان كرا كە پێویستە بەپێی رێنماییەكان بێت كە كاریگەریی بۆ سەر ئاستی ئاوی ژێر زەوی نەبێت كە لە هەندێ ناوچە لە كاتی بیرلێداندا ئاوی ناوچەكە كەم دەبێتەوە دواتر كاریگەریی دەبێت بۆ سەر بەروبوومی كشتوكاڵی كە پشت بە ئاوی ژێر زەوی دەبەستێت، لەلایەكی دیكەوە یەكێ لە فەرمانبەران كێشەی گواستنەوەی راژەی بۆ سەرمیلاكی وەزارەتی كشتوكاڵ و سەرچاوەكانی ئاو هەبوو كە هەر لەوێ چارەسەری بۆ دۆزرایەوە، ئەمەو لەم كۆبوونەوەیەدا چەندین بابەتی دیكە خرانەڕوو و لە رێگاكانی چارەسەركردنیان كۆڵرایەوە.