وەزیرى کشتوکاڵ و سەرچاوەکانى ئاو: دەبێت پڕۆژەکانى هێلکە رۆژانە بەرهەمیان بخەنە بازاڕ پڕۆژەکانی هێڵکە بەڵێننامەیان پێ پڕدەکرێتەوە کە بەرهەمەکانیان بخەنە بازاڕ لە پێناو بەرز نەبوونەوەى نرخ، وەزیرى کشتوکاڵ و سەرچاوەکانى ئاویش دەڵێت، بەدواداچوونى لیژنەکان بەردەوامیان دەبێت. بێگەرد تاڵەبانى، وەزیرى کشتوکاڵ و سەرچاوەکانى ئاو رایگەیاند: بەڕێوەبەری ڤێتێرنەری و بەڕێوەبەری سامانی ئاژەڵی پارێزگای هەولێر لە وەزارەتى کشتوکاڵ و سەرچاوەکانى ئاو هاوشانی تیمەکانی قائیمقامیەتی قەزای ناوەندی هەولێر سەردانی پڕۆژەکانی هێلکەیان کرد. وەزیرى کشتوکاڵ و سەرچاوەکانى ئاو باسى لەوەشکردووە، لیژنەکان بەڵێننامەیەکیان بە خاوەنی پڕۆژکان پڕکردۆتەوە کە پێویستە هێلکەی بەرهەم هاتوو بخرێتە بازاڕ لەپێناو بەرز نەبووەی نرخ، هەروەها لیژنە جەختی کردۆتەوە لەسەر مەرجی تەندروستی و نرخ. بێگەرد تاڵەبانى لە لێدوانە رۆژنامەوانیەکەى دەشڵێت، دەستخۆشی بۆ سامانی ئاژەڵ و ڤێتێرنەری و تیمەکانی وەزارەتى کشتوکاڵ و سەرچاوەکانى ئاو کە بەردەوامن لەسەردانە مەیدانیەکانیان لە پێناو بەرز نەبوونەوەی نرخ و جێبەجێکردنی رێنمایی تەندروستی. وەزیرى کشتوکاڵ و سەرچاوەکانى ئاو ئاشکراشى کردووە، لە پارێزگاکانی تریش تیمەکانی وەزارەتی کشتوکاڵ و سەرچاوەکانی ئاو بەردەوامن لە سەردانە مەیدانیەکانیان لەپێناو بەرز نەبوونەوەی نرخ.