بەڕێز عەبدولستار مەجید وەزیری كشتوكاڵ و سەرچاوەكانی ئاو پێشوازی لە بەڕێز سەربەست مەحمود نوێنەری پارتی دیموكراتی كوردستان لە وڵاتی یۆنان و شاندێكی یاوەری كرد، لە دیدارەكەدا باس لە رەوشی كەرتی كشتوكاڵ لە هەرێمی كوردستان بەگشتی كرا، هاوكات ئەو پێشكەوتنانەی لەم ماوەیەدا لە بوارە جیاجیاكاندا بەخۆیەوە بینیوە، شاندی میوان دووپاتی كردەوە كە هاوكار دەبێت بۆ زیاتر برەودان بەم كەرتە لە رێی هاندانی دامەزراوە كشتوكاڵییەكانی ئەو وڵاتە و كۆمپانیا وەبەرهێنەرەكان بۆ ئەنجامدانی پڕۆژەی هاوبەش، روونیشی كردەوە كە لە مانگی ئەیلولی داهاتوودا حكومەتی یۆنان بەنیازە كونسوڵخانەی خۆی لە هەرێمی كوردستاندا بكاتەوە، كە ئەمەش دەبێتە فاكتەرێكی گرنگ بۆ پەرەپێدانی پەیوەندییەكانی نێوان یۆنان و هەرێمی كوردستان لە هەموو روویەكەوە بەتایبەتیش لە بواری وەبەرهێنانی كشتوكاڵدا.