لەبەرامبەر هەوڵی بەردەوامی بێگەرد تاڵەبانی، وه‌زیری كشتوكاڵ و سه‌رچاوه‌كانی ئاو بۆ پێداگری لەسەر رێگە پێدانی هەنگەوانان بۆ سەردانی هەنگەکانیان لە پێناو پشتگیری لە بەرهەمی ناوخۆیی هەنگوین کۆمەڵەی هەنگەوانان سوپاس و پێزانینی ئاراستەی ناو براو کرد. کۆمەڵەکە لە لاپەڕەی تایبەتی خۆیان سوپاس و پێزانینی ئاراستەی بێگەرد تاڵەبانی، وەزیری کشتوکاڵ و سەرچاوەکانی ئاو کردووە، بەهۆی ئەوەی لە پارێزگای سلێمانی مۆڵەت بە هەنگاوانان دەکرێت سەردانی هەنگەکانیان بکەن. لەسەر پێشنیاری وەزیری کشتوکاڵ و سەرچاوەکانی ئاو بە هەماهەنگی لیژنەی باڵای رووبەڕووبونەوەی کۆرۆناو وەزارەتی ناوخۆ لە هەموو پارێزگاکان و ئیدارە سەربەخۆکان رێگا بە هەنگەوانان دەدرێت سەردانی هەنگەکانیان بکەن وەک چۆن رێگە بە بەرهەڵگرانی سەوزەو میوە، خۆراک، خانووی پلاستیکی و کێڵگە پەلەوەریەکان دەدرێت لە رۆژانی قەدەغەکردنی هاتووچۆ.