بەئامادەبوونی بەڕێزعەبدولستار مەجید وەزیری كشتوكاڵ و سەرچاوەكانی ئاو و بەڕێوەبەری گشتیی بەنداوەكان و كۆگاكانی ئاو رێوڕەسمی واژۆكردنی گرێبەستی دابین كردنی راوێژكاری بۆ بەنداوەكان لە لایەن كۆمپانیای AQUA PROJECTی رۆمانی واژۆكرا، بە پێی ئەم گرێبەستە كۆمپانیای ناوبراو دەستەیەكی راوێژكاری بۆ پڕۆژەكانی تایبەت بە بەنداوەكان لە ناو بینایەی بەڕێوەبەرایەتیی گشتی بەنداوەكان و كۆگاكانی ئاو دادەنێت، كە بۆ ماوەی یەك ساڵ لە ئیش و كاری راوێژكاری بەردەوام دەبن كە بریتین لە شارەزایانی بواری بەنداوەكان لە وڵاتی رۆمانیاوە هاتوون، شایانی باسە ئەم گرێبەستە بە بەهای نزیكەی 490 ملیۆن دینار لە نێوان وەزارەتی كشتوكاڵ و سەرچاوەكانی ئاوو كۆمپانیای AQUA PROJECTی رۆمانی واژۆكراوە.