ژمارەیەك قوتابی كە لەژێر ناوی (ئاوێنەی زانكۆ) لە كۆلیژی كارگێڕی و ئابووریی زانكۆی سەلاحەدین كۆبوونەتەوە، رێزو پێزانینی خۆیان ئاراستەی بەڕێز عەبدولستار مەجید وەزیری كشتوكاڵ و سەرچاوەكانی ئاو كرد بۆ ئەو یارمەتی و هاوكارییەی بەڕێزیان بۆ زانستخوازان، ئەمەو لە میانی پێشوازی كردن لە نوێنەرانی ئەو گروپەدا بەڕێزی دووپاتی كردەوە كە هەمیشە لە خزمەتكردنی زانستخوازان درێخی ناكات و بە پێی توانا یارمەتیان دەدات، لەلای خۆشیانەوە ( ئاوێنەی زانكۆ) بە ناوی راگرایەتیی كۆلیژی كارگێڕی و ئابووری و زانستخوازانی بەشەكانەوە، سوپاس و پێزانینی خۆیان ئاراستەی بەڕێزیان كردو دووپاتیان كردەوە كە هاوكاریی ئەوان نیشانەی دڵسۆزییانە بۆ زانستخوازان لە پێناو خزمەتكردنی رەوتی زانست لە كۆلیژی ناوبراودا.