ئەمڕۆ 16-3-2017 بەڕێزان دكتۆر خالس ئەحمەد بەڕێوەبەری گشتی دیوان هاوڕێ لەگەڵ بەڕێوەبەرانی گشتیی و كارمەندو فەرمانبەرانی وەزارەت بەشدارییان كرد لە بەرزڕاگرتنی یادی 29 ساڵەی كیمیابارانی هەڵەبجەی شەهید، بەم بۆنەیەوە بۆ ماوەی پێنج خولەك لە بینایەی وەزارەت بە شكۆدارییەوە و بە خوێندنەوەی سورەتی فاتیحە خامۆشیان نواند. بەم بۆنەیەوە كارمەندانی وەزارەت وەك وەفادارییەك بۆ گیانی بەرزەفڕی پتر لە 5 هەزار شەهیدو بۆ 10هەزار برینداری ئەم كارەساتە مێژووییە پەیمانیان دووپاتكردەوە كە لە ئیش و كارەكان و راییكردنی كاروباری هاووڵاتیان درێخی نەكەن و بە گیانی تەبایی و هەست كردن بە بەرپرسیارێتی لە خزمەتكردن بەردەوام بن.