بەڕێز عەبدولستار مەجید وەزیری كشتوكاڵ و سەرچاوەكانی ئاو پێشوازی لە میكایل ماگالهێس باڵیۆزی بەڕازیل لە عێراق و شاندێكی یاوەری كرد، لە دیدارێكدا كە بەڕێوەبەرانی گشتی پلان و ڤێتێرنەری و سامانی ئاژەڵ ئامادەی بوون، باس لە ئامانجی سەردانە كرا كە زیاتر بۆ بەهێزكردنی پەوەندییەكانی هەرێمی كوردستان و بەرازیل بوو بە تایبەیش لە بواری كشتوكاڵ و سەرچاوەكانی ئاو، ئاماژەش بە واژۆكردنی یاداشتنامەیەكی لێكگەیشتن كرا كە لە ئایندەدا لەنێوان وەزارەتی كشتوكاڵی هەردوو لا واژۆبكرێت بۆ زیاتر هەماهەنگی و سودد وەرگرتن لە بواری تەكنیكی و راهێنانی كادیرانی كشتوكاڵ و دانەوێڵەو سامانی ئاژەڵ، لەلای خۆشیەوە عەبدولستار مەجید روونی كردەوە كە گشت ئاسانكاری و هاوكاری پێشكەش بە بەرپرسانی بەرازیل دەكات بۆ سەرخستنی ئەو هاوكاری و هەماهەنگییە، باڵیۆزی بەرازیلیش خۆشحاڵیی خۆی بۆ ئەم هاوكارییە دووپاتكردەوەو داواتنامەیەكی ئاراستەی وەزیری كشتوكاڵ و سەرچاوەكانی ئاو كرد كە سەردانی وڵاتەكەی بكات بۆ ئەوە لەنزیكەوە بە ئاستی پێشكەوتن و پەرەسەندنی ئەزموونی بەرازیل ئاشنا بێت لە بوارەكانی كشتوكاڵ و سەرچاوەكانی ئاوو ڤێتێرنەری و سامانی ئاژەڵ.