بەبۆنەی رۆژی لەدایكبوونی فەخری كائنات و پێغەمبەری ئیسلام محەمەد( د.خ)، ئەمڕۆ بە ئامادەبوونی بەڕێز عەبدولستار مەجید وەزیری كشتوكاڵ و سەرچاوەكانی ئاو و سەرجەم بەڕێوەبەرە گشتییەكان و فەرمانبەرانی وەزارەت و ژمارەیەك لە میوانان و جووتیاران لەرێورەسمێكی شایستەدا ئەم یادە پیرۆزە بەرز راگیرا، سەرەتا وەزیری كشتوكاڵ و سەرچاوەكانی ئاو لە وتەیەكی كورتدا كورتەیەكی لە سیرەو رێبازی پیرۆزی پێغەمبەر(دخ) پێشكەش كرد و جەختی كردەوە لەسەر پابەندبوون بە فەرموودەو سوننەتی ئەم پێشەوایە و پیادەكردنیان لە ژیانی رۆژانە بۆ بەدەستهێنانی رەزامەندی خواو خزمەتكردنی وڵات و خەڵك، ئەمەو لە كۆتاییدا بەم بۆنەیەوە شیرینی بەسەر ئامادەبوواندا دابەشكرا.