لە نووسراوێكدا بە واژۆی وەزیری كشتوكاڵ و سەرچاوەكانی ئاو بە وەكالەت رێباز محەمەد حەملان ئاراستەی بەڕێوەبەرایەتیی گشتی گومرگ و پارێزگاكانی هەرێمی كوردستان و لایەنە پەیوەندیدارەكان كراوە، وەزارەت بڕیاری دا كە لە رۆژی 28-9-2018 وە باج لەسەر بەرهەمی هاوردەی تەماتەو شووتی هەڵبگرێت، لەم بارەوە ماجد دەباغ بەڕێوەبەری راگەیاندنی وەزارەتی كشتوكاڵ و سەرچاوەكانی ئاو رایگەیاند كە پێشتر لە 29-3-2018 باج دانرابوو لەسەر هاوردەی سەوزەو میوەو بەرهەمی ئاژەڵیی هاوردە، بەڵام دوای بەدواداچوون بۆ بازاڕو عەلوەكانی هەرێمی كوردستان دەركەوتووە كە لەئێستادا بەرهەمی تەماتەو شووتی خۆماڵی بە شێوەیەكی بەرچاو كەمبووە، بۆیە بڕیاردرا كە لە 28ی ئەیلوولی 2018 وە رەسمی باجی گومرگی لەسەر هاوردەی ئەو دوو بەرهەمە هەڵبگیرێت و هەموو لایەنە پەیوەندیدارەكانیش بە ناوەڕۆكی نووسراوەكە ئاگاداركراونەتەوە.