عەبدولستار مەجید وەزیری كشتوكاڵ و سەرچاوەكانی ئاو دووپاتی كردەوە كە لەئێستادا وەرزی دروێنە لە هەرێمی كوردستان دەستی پێكردووەو ئومێد دەكرێت ئەم ساڵ بەرهەمێكی باشی گەنمی جووتیاران هاتۆتەدی، بۆ ئەم مەبەستەش میكانیزم ورێوشوێنێكی گونجاو گیراوەتەبەر تاكو كارئاسانی بۆ رادەستكردنی بەرهەمی جووتیاران بكرێت لە رووی نۆرەگرتن لە سایلۆكان، ئەمەو لە میانی چاوپێكەوتنی رۆژانی سێ شەممەی لیژنەی وەزارەت بۆ چارەسەری كێشەی جووتیاران روونی كردەوە كە وەزارەت هەمیشە بەتەنگ چارەسەركردنی داخوازی و كێشەكانی جووتیارانەوەیە، لەم دیدارەشدا چەندین كێشە خرانەڕوو، لیژنەكە گوێی لە ئامادەبووان گرت و سەبارەت بە كێشەی زەویی جووتیاران بۆچوون و چارەسەر دەست نیشانكرا بۆ ئەوانەی ئەو كێشانەیان هەبوو، وێڕای چەندین كێشەی دیكە چارەی گونجاویان بۆ دەست نیشان كرا، دووپاتیش كرایەوە كە چارەسەركردنی هەندێ لەو گرفتانە بە رێگەی لیژنەی پسپۆڕ و بە هاوكاریی یەكە ئیدارییەكان لە شارو شارۆچكەكان ئەنجام دەدرێت.