بەڕێز عەبدولستار مەجید وەزیری كشتوكاڵ و سەرچاوەكانی ئاو پێشوازی كرد لە مستەر رافائیل جێگری باڵیۆزی بەرازیل لە عێراق، لە دیارێكدا كە بەڕێوەبەرەی گشتی پلان و بەدواداچوون ئامادەی بوون،ئامانجی سەردانەكە لە دوو خاڵدا بوو، یەكەمیان بەهێزكردنی پەیوەندییەكان لە نێوان هەرێمی كوردستان و بەرازیل لەو كەرتی كشتوكاڵدان بە تایبەتیش كە ئەو وڵاتە شارەزاییەكی پێشكەوتووی لە بواری كشتوكاڵ و سامانی ئاژەڵدا هەیەو دەزگایەكی هەرەوەزیی كشتوكاڵیی حكومی هەیە سەرپەرشتی پرۆسەی كشتوكاڵ دەكات، هاوكات باس لە سەردانی داهاتووی باڵیۆزی بەرازیل بۆ وەزارەت و كۆبوونەوەی لەگەڵ جەنابی وەزیردا، دووەم خاڵیش بریتییە لەو ئابڕووبەرییەی لە بەڕازیلدا لەسەر هەندێ كۆمپانیای گۆشت روویدا، كاتێ چەند كۆمپانیایەك گۆشتی تێكچوویان بۆ وڵاتان رەوانەكردووە، بە گوتەی جێگری باڵیۆزی بەرازیل ئەو كۆمپانیایانە سزادراون، لەلای خۆشییەوە وەزیری كشتوكاڵ و سەرچاوەكانی ئاو روونی كردەوە كە لە كوردستان هاوردەكردنی گۆشتمان قەدەغە نەكردووە، جەختی لەوەش كردەوە كە بۆ دڵنیابوون لە جۆری ئەو گۆشتەی هاوردەی كوردستان دەكرێت، لیژنە لە وەزارەتەوە رەوانەی بەرازیل دەكرێت بۆ ئاگاداربوون لە جۆری ئاژەڵەكان و ناوی سەربڕخانەكان و حەڵاڵیی سەربڕینیان، ئەوەشی دووپاتكردەوە كە بەمەرجێ ناوی ئەو كۆمپانیایانەمان پێ بدرێت تاكو لە هێنانی گۆشت بۆ كوردستان مامەڵەیان لەگەڵدا بكرێت.