بەڕێز عەبدولستار مەجید وەزیری كشتوكاڵ و سەرچاوەكانی ئاو پێشوازی لە خاتوو باربارا ریجیكس بەڕێوەبەری لقی هەولێری رێكخراوی كۆچی نێودەوڵەتی I. O. M) ) و شاندێكی یاوەری كرد، لە دیدارێكدا كە دكتۆر ئەنوەر ئەحمەد ئیبراهیم بەڕێوەبەری گشتی توێژینەوەو رێنمایی كشتوكاڵی ئامادە بوو، باس لە پڕۆژەیەكی رێكخراوەكە كرا تایبەت بە دابینكردنی ژمارەیەك خانووی پلاستیكی بۆ ئاوارەكانی سوریا و ناو عێراق كە لەئێستادا لە هەرێمی كوردستان نیبشتەجێن، ژمارەیان 24 خانووی پلاستیكییە كە ( 8) خانوو بۆ هەر پارێزگایەك ( هەولێر و سلێمانی و دهۆك) تەرخان دەكرێت، ئامانجیش لەم پڕۆژەیە دابینكردنی سەوزەو میوە و بە بازاڕكردنە، ئەمەو لە میانی كۆبوونەوەكەدا ئاماژە بە یاداشتنامەیەكی لێكگەیشتن كرا كە بەم زووانە لە نێوان وەزارەتی كشتوكاڵ و سەرچاوەكانی ئاو و رێكخراويI. O. M) ) واژۆ دەكرێت.