وەزارەتی كشتوكاڵ و سەرچاوەكانی ئاوی هەرێمی كوردستان بڕیاری دا كە لەمەودوا رێگە بدرێت بە هاوردەكردنی بەروبوومی گەنمەشامی لە دەرەوەی هەرێم، دكتۆر ئەنوەر عومەر قادر بەڕێوەبەری گشتیی پلان و بەدواداچوون و وتەبێژی وەزارەت رایگەیاند: كە دوای ئەوەی لە مانگی تشرینی دووەمی ساڵی 2015 هەر بە بڕیاری وەزارەت هاوردەكردنی گەنمەشامی قەدەغەكرابوو، بۆیە لەبەر بوونی داواكارییەكی زۆر بۆ هێنانی گەنمەشامی لە دەرەوەی هەرێمی كوردستان و كاریگەریی راگرتنی هاوردەكردن لە ماوەی رابردوودا، وەزارەتی كشتوكاڵ و سەرچاوەكانی ئاو بڕیاری دا كە رێگە لەبەردەم هاوردەكردنی بەروبوومی گەنمەشامی لە دەرەوە بۆ ناو هەرێم واڵا بكرێت و لەمەودوا ئەم بەروبوومە هاوردە بكرێت.