لە چوارچێوەی سەردانەكەی بۆ وڵاتی بەریتانیا بەڕێز عەبدولستار مەجید وەزیری كشتوكاڵ و سەرچاوەكانی ئاو بە یاوەریی شاندی وەزارەت كە لە بەڕێوەبەری گشتیی سەرچاوەكانی ئاوو پسپۆڕو شارەزایانی وەزارەت پێكهاتبوو، لە شاری لەندەن لەگەڵ سەرۆك و بەرپرسانی دەزگای تۆماركردنی زەوی و زار كە پێكهاتبوون لە سۆنۆیلزو ئیما فینیسنت و پاولۆ دواس، كۆبۆوە، لە كۆبوونەوەكەدا كە نوێنەری زانكۆی لیستەر و بەڕێز دكتۆر كارزان و خاتوو فرجینیا ئامادەی بوون، باس لە شێوەی تۆماركردنی زەوی و زار لە وڵاتی بەریتانیا و چۆنێتی تۆماركردن و بەكارهێنانی سۆفت وێردی تایبەت كرا، هەروەها ئاماژەكرا بە شارەزایی ئەو دەزگایە كە لە چەندین وڵاتی جیهان كاریان كردووە، پاشان باس لە شێوەی تۆماركردنی زەوییەكانی هەرێمی كوردستان كرا و بەراوردیان كرد لەگەڵ ئەو وڵاتانەی كە پێشتر كاریان تێدا كراوە، لە تەوەرێكی دیكەی كۆبوونەوەكەدا ئەوە روونكرایەوە كە ساڵانە لە بەریتانیا نزیكەی یەك ملیۆن كەس سكاڵا تۆماردەكەن، بەڵام ژمارەیەكی زۆری كێشەكانیان چارەسەردەكرێن بەر لەوەی بگەنە دادگا.