لە میانی كۆبوونەوەی سێ شەممە لەگەڵ ژمارەیەك لە جووتیاراندا بەڕێز عەبدولستار مەجید وەزیری كشتوكاڵ و سەرچاوەكانی ئاو بە ئامادەبوونی خاتوو بەیان سامی عەبدولرەحمان نوێنەری حكومەتی هەرێمی كوردستان لە ئەمریكا و لیژنەی بەدواداچوونی كێشەكانی سەر بە وەزارەت، سەرەتا بەخێرهاتنی گەرمی خاتوو بەیانی كرد كە زەحمەتی كێشاوەو لەم كۆبوونەوەیەدا ئامادەبووە و رۆڵی بەڕێزیانی بە بەرزنرخاند لە بەتین كردنی پەیوەندییەكانی نێوان هەرێم و ئەمریكا بۆ سوودو بەرژەوەندیی گەلی كوردستان و هاندانی كۆمپانیا وەبەرهێنانەرەكانی ئەو وڵاتە تاكو لە كوردستان لە بوارە جیاجیاكاندا كاربكەن وبەشداری بكەن لە پڕۆسەی پەرەپێدان و ئاوەدانكردنەوەی هەرێمی كوردستان، بە تایبەتیش لەو هەلومەرجەی كە كوردستانی پێدا تێپەڕدەبێت، دواتر گوێبیستی كێشەكانی جووتیاران بوون و میكانیزم وچارەی گونجاویان بۆ دەست نیشان كرا، لەم سۆنگەوە خاتوو بەیان سامی عەبدولرەحمان دەستخۆشی لە جەنابی وەزیر كرد كە بەردەوام بەدواداچوون بۆ كێشەوی جووتیاران و هاووڵاتیان دەكات، كە ئەمەش لە پەرۆشیی جەنابیانەوەیە بۆ پێشخستنی كەرتی كشتوكاڵ و بەلاوەنانی ئەو كێشەو تەگەرانەی كە دێتە رێیان و هیوای سەركەوتن و بەردەوامبوونی لە خزمەتی جووتیارانی بۆ خواست، بەڵێنیشی دا كە بەردەوام بێت لە هەماهەنگی و هاوكاریكردن لەگەڵ وەزارەت بۆ ئەوەی لەسەر رێچكەو بەرنامەی خزمەتكردنی خۆی بەردەوام بێت.