بە مەبەستی پاڵپشتی كردنی جووتیاران و دابین كردنی بڕێكی زۆری بەرهەمی پەتاتە لە بازاڕەكانی كوردستان وەزارەتی كشتوكاڵ و سەرچاوەكانی ئاو بۆ ئەم ساڵ بڕی 4370 تەن بنەتۆی پەتاتە بۆ جووتیارانی سەرجەم پارێزگاكانی هەرێمی كوردستانی دابین كردووەو لە ئێستاشدا دەست بە دابەشكردنی كراوە، سەرچاوەیەك لە بەڕێوەبەرایەتی باخداریی وەزارەت رایگەیاند كە لە 8/2/2015 تاكو 23/2/2015 ئەو بڕەی كە بەسەر جووتیاراندا دابەشكراوە بریتییە لە 4211.5 تەن ، كە بەم شێوەیە بووە: پارێزگای هەولێر 1481 تەن پارێزگای سلێمانی 405 تەن پارێزگای دهۆك 2222 تەن ئیدارەی گەرمیان 103.5تەن ئەو بنەتۆیە لەلایەن كۆمپانیاكانو AGROPLANT نەهرئەلئەوراد و ئەرز ئەلسبار و بلۆفێڵد و ریف كوردستانەوە لە وڵاتانی هۆڵەنداو فەرەنساو ئێرلەندا هاوردەكراوەو بە پاڵپشتیی 30% ی نرخی هەر تەنێك دەدرێتە جووتیاران.