بە گوێرەی بڕیارێک کە بە ئیمزای بێگەرد تاڵەبانی ڕۆژی ١-٩-٢٠١٩ دەرچووە، بە پشتبەستن بە یاساى پاراستن و پێشخستنى بەروبوومى کشتوکاڵ ژمارە (٤)ى ساڵى (٢٠٠٨) و پاڵپشتن بە نووسراوى سەرۆکایەتى ئەنجوومەنى وەزیران ژمارە (٦٥٤٧) لە (٢٢-١٠-٢٠١٤) تایبەت بە پاراستنى بەرهەمى ناوخۆیى، لەمڕۆوە ۱۰ـ۹ـ۲۰۱۹ بڕیارەکە جێبەجێ دەکرێت و هاوردە کردنى بەروبوومى هەنار لە دەرەوەى هەرێمی کوردستانە بۆ ناو هەرێم قەدەغە دەبێت. بڕیارەکە بۆ ماوەیەکى نادیار کاری پێدەکرێت تا ئەوکاتەی بەرووبوومی ناوخۆیی ساغ دەکرێتەوە و دەگاتە ئاستێک کە پێویستی بازەڕە ناوخۆییەکان پڕناکاتەوە، یان نرخ بە جۆریک بەرز ببێتەوە کە بەرژەوەندی بەکاربەرانی تێدا پارێزراو نەبێت. ئەم بڕیارش هەنگاوێکی تری وەزارەتی کشتوکاڵە بە ئاراستەى پاراستنى بەرهەمى کشتوکاڵى ناوخۆیى و رێگرى کردن لە زەرەرمەند بوونی جووتیارانی کوردستان. جێی بەبیرهێنانەوەیە، پێشتریش وەزیری کشتوکاڵ، بە بڕیارێکی تر هاوردەکردنی تەماتەی قەدەغە کرد و تا ئاستێک بووە مایەی قازانج کردنی جووتیاران و دەربازکردنیان لە کشەی نەبوونی بازاڕ بۆ ساغکردنەوەی بەرهەمەکانیان.