بەڕێز عەبدولستار مەجید وەزیری كشتوكاڵ و سەرچاوەكانی ئاو پێشوازی كرد لە یاریزانی دێرینی تۆپی پێی عێراقی شاكر مەحمود، لە دیدارەكەدا سەرەتا لە هەواڵ و تەندروستیی یاریزانەكەی پرسی و رۆڵی ئەو یاریزانەی لە خزمەتكردنی كاروانی وەرزشیی عێراق لە ساڵانی حەفتاكان و هەشتاكان بەرزنرخاند، شاكر مەحمود لەلای خۆیەوە سوپاسی وەزیری كرد بۆ ئەو میواندارییەو لە نزیكەوە دەستخۆشیشی لێكرد كە جەنابیان ئارەزووی لە وەرزش بە تایبەتیش یاریی تۆپێ هەیە و هیوای سەركەوتنی بۆ خواست.