ئەمڕۆ بەڕێز عەبدولستار مەجید وەزیری كشتوكاڵ و سەرچاوەكانی ئاو سەردانی بانكی فیدڕاڵی لە هەولێر كرد، لەلایەن خاتوو شیرین ئەحمەد رۆژبەیانی بەڕێوەبەری بانك و جێگرەكەی بە گەرمی پێشوازی لێكرا، لەمیانی دیدارێكدا وەزیری كشتوكاڵ و سەرچاوەكانی ئاو سوپاس و پێزانینی خۆی ئاراستەی بەڕێوەبەرو كارمەندانی بانكی ناوبراو كرد بۆ ئەو هەماهەنگی و هاوكارییەی كە لەگەڵ وەزارەتدا دەیكەن لەرووی پێشكەشكردنی ئاسانكاری لەكاتی خەرجكردنی مووچەی مانگانە كە لەڕێی چەكەوە ئەنجام دەدرێت، هەروەها هیوای سەركەوتنی بۆ خواستن لە راپەڕاندنی كاروباری خەڵك، لەلای خۆشیەوە بەڕێوەبەری بانكی فیدڕاڵ سوپاسی جەنابی وەزیری كرد بۆ ئەو سەردانەو روونی كردەوە كە ئەمە بەشێكە لە ئەركی رۆژانەی سەرشانی خۆیان بەرامبەر بە هاووڵاتیان، دواتر سەردانی یەكەیەكەی هۆبە و بەشەكانی كردو چاوی بە فەرمانبەرو كارمەندان كەوت و دەستخۆشی لێكردن.