لە میانی كۆبوونەوەی سێ شەممە لەگەڵ ژمارەیەك لە جووتیاراندا بەڕێز عەبدولستار مەجید وەزیری كشتوكاڵ و سەرچاوەكانی ئاو بە ئامادەبوونی لیژنەی بەدواداچوونی كێشەكانی سەر بە وەزارەت دووپاتی كردەوە كە وەزارەت هەمیشە لە هەوڵی بەردەوامدایە بۆ چاككردنی رەوشی جووتیاران بە پێی توانا، بەڵام ئاشكرایە كە لەبەر قەیرانی دارایی ناتوانرێت زۆربەی بەرنامەو پلانەكانی جێبەجێ بكات، جەختیشی كردەوە كە وەزارەت درێغی ناكات و ئەو كێشانەی كە راستەوخۆ لێرەدا دەخرێنە روو بەپێی رێنمایی و یاساكان رێچكەی چارەسەركردنیان بۆ دەدۆزرێتەوە، ئەمەو دواتر وەزیری كشتوكاڵ و سەرچاوەكانی ئاو لە نزیكەوە گوێی لە جووتیاران گرت لەوانە كێشەی زەوی ، هاوكات كێشەی بیرلێدان تەوەرێكی دیكەی ئەو كۆبوونەوەیە بوو، ئەمەو چەندین كێشەی دیكەی كشتوكاڵی خرانەڕوو و رێگە چارەیان بۆ دەست نیشانكرا.