وەزارەتی كشتوكاڵ و سەرچاوەكانی ئاو ئاگاداری هاووڵاتیانی كوردستان دەكات كە بە هیچ شێوەیەك جەرگی مریشكی بەستووی ئێرانی نەكڕن، كە لە هەندێك ماركێتەكانی فرۆشتنی گۆشت هەیەو دەفرۆشرێت، چونكە جەرگی مریشكی بەستووی ئێرانی رێگاپێنەدراوە هاوردەی ناو هەرێمی كوردستان و عێراق بكرێت لەبەر هەبوونی نەخۆشیی ئەنفلەوانزای باڵندەی زۆر كوشندە لە ئێران، ئازاد ئەحمەد عەلی بەڕێوەبەری گشتیی سامانی ئاژەڵ و ڤێتێرنەری بە وەكالەت لەم رووەوە رایگەیاند: ئەو جەرگە بەبێ رەزامەندیی بەڕێوەبەرایەتیی گشتیی سامانی ئاژەڵ و ڤێتێرنەری و ئەنجامدانی پشكنین داخل بووەو ناكرێت هاووڵاتیان بەكاری بهێنن لەپێناو پاراستنی تەندروستیان لە نەخۆشیی مەترسیدار.