بەڕێز عەبدولرەحمان عەبدولرەحیم وەزیری كشتوكاڵ و سەرچاوەكانی ئاو بە وەكالەت پێشوازی كرد لە شاندێكی كۆمپانیای جیهانیی كارتی زیرەكی كرد كە لە غازی كاكەمین راوێژكاری یاسایی كۆمپانیا و قەحتان عەدەن بەڕێوەبەری لقی هەولێری كۆمپانیا و عەلی حوسێن بەڕێوەبەری جێبەجێكار و مستەفا نەجم ئەندامی یاسایی كۆمپانیاكە پێكهاتبوو، لە دیدارەكەدا كە دكتۆر خاڵس ئەحمەد حەمەدەمین بەڕێوەبەری گشتیی دیوان لە وەزارەت ئامادەی بوو، سەرەتا وەزیری كشتوكاڵ و سەرچاوەكانی ئاو بە وەكالەت گوێی لە كورتەیەك گرت دەربارەی چالاكییەكانی كۆمپانیای جیهانی كارتی زیرەك كە ئەوان خزمەتگوزاریی پێشكەش بە فەرمانبەران دەكەن تایبەت بە كارتی( كی) بۆ وەرگرتنی مووچەی مانگانەیان بە كارتی زیرەك، لەلای خۆشیەوە بەڕێز عەبدولرەحمان عەبدولرەحیم وێڕای دەستخۆشی كردن لە كۆمپانیاكە هیوای سەركەوتنی بۆ خواستن لەو ئەركە، شایانی باسە رێژەی كارتی زیرەك گەیشتۆتە پتر لە 4 ملیۆن و پێنج سەد كارت لە سەرتاسەری عێراق و بە هەرێمی كوردستانیشەوە، كە نرخی هەر كارتێك تەنیا 10 هەزار دینارە، هەڵگری ئەم كارتەش مافی چەندین خزمەتگوزاری دارایی هەیە لەوانە فەرمانبەر دەتوانێت لە هەر شوێنێكی عێراق و دەوڵەتانی توركیاو لوبنان و عومان مووچەی مانگانەی وەربگرێت.