دكتۆر ئەنوەر عومەر قادر وتەبێژی وەزارەتی كشتوكاڵ وسەرچاوەكانی ئاو سەبارەت بەپێدانی زەویی كشتوكاڵی بۆ دەرچووانی كشتوكاڵی وڤێتێرنەری ئەم روونكردنەوەیەی راگەیاند: بۆ ئەوەی هەلی كار لە كەرتی كشتوكاڵی بەتایبەتی بۆ دەرچووانی كۆلیژو پەیمانگاو ئامادەییەكانی كشتوكاڵی وكۆلیژو پەیمانگاكانی ڤێتێرنەری بڕەخسێت و بۆ ئەوەی لەجیاتی دامەزراندن لەكەرتی حكومی، ئەم خاوەن بڕوانامە زانستییانە بێنە مەیدان، وەزارەتی كشتوكاڵ و سەرچاوەكانی ئاو ئامادەكاریی دەكات بۆ دابین كردنی زەوی بۆ كاری كشتوكاڵی ئەم بەڕێزانەو لە سەرەتا پێش هەموو شتێك خەریكی ئەوەین لەهەر پارێزگایەك(100)دۆنم زەوی پەیدا بكەین و ئاگاداری كشتوكاڵی پارێزگا كراوە كە ئەم زەوییە دابین بكەن، ئەمە قۆناغی یەكەمەو لە قۆناغی دووەمیش ڕێنمایی تایبەت بەم پڕۆژە ئەوانەی دەیانگرێتەوە و مەرجەكان دەردەكەین ئینجا دەست پێدەكەین . دكتۆر ئەنوەر عومەر قادر وتەبێژی وەزارەتی كشتوكاڵ وسەرچاوەكانی ئاو 29/4/2015